استخدم جوجل للبحث

السبت، 30 أغسطس 2008

كل عام وأنتم بخير

كل عام وأنتم بخير ورمضان كريم ، ولرمضان فى مصر طعم خاص لن تجده فى أى مكان آخر ، ولا يشعر بهذا الفارق الا من اغترب عن مصر وشاهد وقارن .
كل شىء مختلف ، الناس ، الأكل ، الشوارع ، حتى الاحساس مختلف .
حتى صوت أذان المغرب بالذات مختلف ، كلما تناهى الى سمعى الأذان بصوت المرحوم محمد رفعت أحسست انى هناك فى مصر ، بين من أحب .
وعندما ينتهى الأذان أجد نفسى أعود مضطرا الى الواقع ، الى المكان الذى أعيش فيه حاليا ، فلا أشعر بطعم لأى شىء ، فرمضان والعيدين مثلهم مثل أى يوم ، ولولا أننى أتتبع التاريخ فى النتيجة لما أحسست ان هناك فارقا قد حدث بحلول هذه الأيام المباركة .
سأترككم الآن مع صوت محمد رفعت رحمه الله
ورمضان كريم وكل عام وأنتم بخير



الجمعة، 29 أغسطس 2008

فلاح فى مصيف

بعدما قدمنا رائعة الشيخ أمين البت باتعة ، بحثت فى أوراقى القديمة ووجدت هذه القصيدة الزجلية والتى أملاها على خالى رحمة الله عليه ولا نعرف من هو مؤلفها وهى عن فلاح زار المصايف لأول مرة



لا عمرى رحت المصايف

ولا أعرف طريقهم فين

باسمع يادوبك عنهم

فى الراديو والجرانين

ما انا زى أهل البلد

وايش يعملوا المساكين


غلطت مرة فى حياتى

ورحت راس البر

يومها الدنيا شتت

بعد اما كانت حر

واتلبدت بالغيوم

واستحلفت بالشر

يابحر مالك كده

هايج وليه غضبان

مايوه بكينى وصل

وعشان كده زعلان


على بلاج المصارف

مشتانا ومصيفنا

والشمس دى أمنا

عرفناها وتعرفنا

وحدانا كازينو المصاطب

على قد ما عرفنا

يحلى عليها السهر

ونقول ياليل ياعين


يوحشنى صوت الجاموس

لو غبت عن بلدى

واشتاق لقرص الناموس

بالليل يا ولدى

محلاه فى ساعة العشا

لما يزن يا وعدى

والهم مارضيش

بنا مع اننا راضيين


باقوله ليه ياناموس

ماتروحش ع البلاجات ؟

تقرص فى جلد العرايا

وتنول الأجر والحسنات

قاللى ماقدرش اسيبك

ياعم ده احنا اخوات

بين التلول والبرك

طول عمرنا عايشين


اقرص ومص وهيص

فى دمنا يا ناموس

واحنا رغيف الدرة

ما بنلاقيله غموس

وغيرنا قاعدين هناك

بيبعزقوا فى فلوس

ما اهو اصل انا م العزب

وجدودى فلاحين


الخميس، 28 أغسطس 2008

البت باتعة : الشيخ أمين الديب



البت باتعة
بنت زيد عبد الصبور
اللى أمها
يوم عرسها
كان عفشها
حلة وبابور
ومعاه كمان صندوق خشب
كان أصله سحارة صابون
فيه بنستين والمكحلة
ومراية والفلاية والملقاط
وحجر وليفة ومبخرة
وقزازة كان فيها البخور
وجوز صحون ومنخلين
والطشت والقروانة والغربال
ومقشة ليف ومقشتين عرجون
وزير وزلعة وقلتين وماجور
وحصيرة من سوق التلات
ولحاف بايدها منجداه
ومخدتين
والوش كان دمور



فى الانفتاح
على رأى صاحبى والانبطاح
وفتحنا مصر سداح مداح
والعرض أصبح مستباح
ونسينا حى على الكفاح
اتلخبطت كل الأمور
وقيم كتير وعادات كتير اتغيرت
من ضمنها غلو المهور
البنت دى
بنت أم باتعة
مش عاجبة حد فى مشيها
اكمنها
مشيت طريقها لوحدها
والأسرة غابت عنها
مشغولة عنها بعبئها
سايبينها هى وشأنها
واكمنها مستهدفة
الأجنبى ومعاه غبى
فكر لها
قال أولا :
ترفض معيشة أهلها
ترفض أوامر ربها
ترمى الحياء والانتماء ورا ضهرها
تقطع جذورها بنفسها
أوعز لها
ازاى هاتعرض لحمها
وازاى تبان مفاتن جسمها
من ضفرها
لأعلى خصلة فى شعرها
عمل الصالات
تعرض موضات
والاعلانات
مالية الشاشات
بالشامبوهات والتسريحات
وحاجات كتير فرحت بها
تاهت ونسيت نفسها
وتكلمك ربع الكلام بالأجنبى وتقول هالو
بنت أم باتعة تقول هالو
ميرسى يا شوشو وثانك يو
وكم يا توتو وياللا جو
وبكرة بينا رانديفو
وكبار شيوخ المسلمين
ماعرفش ليه متلجمين
والمسئولين
فتحوا البيبان على وسعها



قام قال سلامة : ألمها
يمكن تغير فكرها
وتعيش حياتها بحلوها وبمرها
راح لأمها
يخطبها منها وقال لها :
بصراحة بنتك عايزة حد يلمها
وأنا قدها
قالت : وماله
البنت يلزمها الجواز
شخشخ جيوبك واشترى ياللا الجهاز
قال : اطلبى
قالت : تجهز شقة قد أربع أوض
أحسن نابوليا فى البلد
وتجيبها من دمياط
وتجيف نجف من غير عدد
والمكنسة بشفاط
والدش قبل الدش
والفيديو والبوتاجاز
وتجيب لها تلاجة ستاشر قدم
وتجيب لها قبل الجواز
الشنطة والمحمول
وتجيب لها غسالة فول
أنا قصدى فول توماتيك
شقتها كاملة زى أى بوتيك
وتجيب لها قبل الجهاز
الشبكة طقم من الدهب
أن مش هاقول ألماظ
وتجيب لها فستان زفاف
من غير كمام من غير كتاف
علشان يبين صدرها
وتجيب غوازى تزفها
واللى اسمه ايه شهر العسل
فى الشرم ولا الغردقة
وبلاش أمور البعزقة
آدى مطلبى
ان كنت قادر مهرها
قرب لها
أنا مش هاميل بختها
قال : يا ام باتعة هاجيب منين
أنا لا انا راجل مرتشى
ولا احب اجيب بالدين
ولا ارضى بالتقسيط
الطاق بيبقى طاقين
ويكتبونى شيكات
أو امضى على ايصالات
على انها امانات
وحكاية مش هيه
لو بس فات شهرين
مادفعتلوش قسطين
بدل المحامى اتنين
هايجيب له رفض الشيك
ومصيبة وقضيه
ومش هاقولك ع القرف
وحاجات مخلة بالشرف
أما البوليس والمحكمة
هابقى فى نظرهم منحرف
وباكسر القوانين
شوفى يا ام باتعة
أنا عندى شقة محندقة
معقولة ماهيش ضيقة
فيها يدوب أوضتين
وعملت جمعية
مع ناس أمارة زيكم
وقبضتها ألفين
وآدى اللى عندى وقلتلك بصراحة
وبإذن واحد أحد ربك هايفرجها
وباتعة هاتريحك وتبات مرتاحة



قالت له : قوم من هنا
قم فضها سيرة
أنا احترمتك ..
عشان الأهل والجيرة
بتقوللى ألفين جنيه ؟!!!
ألفين جنيه دول ايه ؟!!!
وأنا اللى قال بافتكر
باتعة هاتاخد بيه
حافظ على كلمتك يا أهبل وخليك ذوق
دى باتعة طول عمرها دايما تبص لفوق
الاحمر والاخضر
وشى محزق وبنطلونات
والشعر فوق كتفها سايح
وفى الكوافير
مش كل طير يندبح
خد دش وانت تفوق
وتفوق لنفسك
وتتكلم كلام موزون
وفرضنا انت اللى عاقل
والمستمع مجنون
ألفين جنيه للغوازى ولا للمأذون ؟!!!
فى ناس كتير زيكم
مش عايشة فى الدنيا
مابتسمعوش الرضاوى ولا التليفزيون ؟!!!
شفت اللى بيقدمه الحاج متولى ؟!!!!
الشقة بالعفش كاملة
وفلوس كتير فى البنك
كتبه لعروسته
ده غير اللبس والمصاريف
شايفاه بعينى
ولا واحد غريب قاللى
كل المسلسل تابعته دقيقة بدقيقة
والحاج متولى الهى لم يشوف ضيقة
راجل صحيح مقتدر
كل البنات عاوزاه
وباتعة بنتى الهى يكون نصيبها معاه
مش جاى تقوللى الشباب ؟ّّّ!!!
أنا ناقصة هم تقيل
قال : يا ام باتعة اسمعينى
كل ده تمثيل
قالت له : ده قصر ديل
وبلاش كلام فاضى
الشعب راضى
مفيش غيرك عامل لى تقيل
ماتكونش ماهر يا شاطر
واسم أبوك عطار
والشاى على النار
وقاعد لسه ع الرملة
والحلوة تيجى تلاقيك
فارش لها المنديل ؟ّّّ!!!
قال يا أم باتعة دى ناس بتوزع الأوهام
ساعدوا العدو بجهلهم
فى الحرب ع الاسلام
وأنا مش بالوم جهلهم
اللوم على الاعلام
قالت : خلاصة الكلام
أنا بنتى مش من وأمكم
شوفوا لكو ناس على قدكم
أنا بنتى حلوة مثقفة
حافظة الأغانى كلها
أحدث شرايط عندها
دى لما تلبس بنطلونها الجينز
كل الشباب تجرى وتخطب ودها
ونانسى عجرم نفسها
ماتجيش فى خصلة ف شعرها
ولا تيجى ضفر ف رجلها
طب والنبى
لو شافها واحد أجنبى
ليجيب لها
كل اللى ييجى فى نفسها
أنا بنتى عايزة جدع
عاقل يكون كسيب
أبوه فى حزب اسمه ايه
ويكون من المحاسيب
أو زى ابن أم بطة
شغال على التهريب
أو من بتوع النوادى
أو يكون لعيب
الجون بمليون جنيه
ويغيظ أمين الديب



قال : يا أم باتعة
اللى يرضى بالحلال هايعيش
مفيش بيوت تتبنى
بالغش والتهبيش
هيه الأغانى تداوى
أم عين عورة ؟
ولا الدول تنبنى
بالفن والكورة ؟
وياريته فن بصحيح
لكن مالوش قيمة
فن الجريمة بقى ع الشاشة والسيما
وعاداتنا حتى القيم
اتقطعت أشلاء
فقد الشباب الانتماء
بس المهم يعيش
تايه مابين الفراعنة
والعرب وقريش
وعلموه الاستكانة
لاجل أكل العيش
وغصب عنه اتحكم
بفتوة والألاضيش
عايزين نعيش يا أم باتعة
زى خلق الله
نحمى الشباب من الفتن
وبلاش من المغالاة
اللى انتى عارفاه حرامى
بس مش شايفاه
سرق عقولنا وأخلاقنا بتليفزيون
صنع سلاسل وساحبك
وانتى ماشية وراه
قالت له : قوم يا ابن زاهية
يا ابن أم عين حولة
عمال تلقح كلام
وتعيب ثقافة السلام
هوه انت من دوله ؟!!!
قوم فز غور من هنا
قوم غور ماتحبسناش
بتجيب فى سيرة اسمه ايه
والفجر لسه ماجاش ؟!!!
فاكر فى يوم اسمه ايه
يوم احتفال اسمه ايه
ساعة ما مات اسمه ايه
وجه بداله اسمه ايه
عمل قانون اسمه ايه
وده مخلى اسمه ايه
يقطع لسان اسمه ايه
لو جاب فى سيرة اسمه ايه
عقبال سلامة ابن ايه
ويحطه فى اللى اسمها ايه
من غير محاكمة اسمها ايه
تقعد سنين منحاش
فكرك تحوش اسمه ايه
هوه اسمه ايه ينحاش
قال : يا أم باتعة انتى ايه
قصدك تخلى اسمه ايه
يحبسنى فى اللى اسمها ايه
من غير محاكمة اسمها ايه
أقعد سنين منحاش
أنا جبت سيرة اسمه ايه ؟؟
وفرضنا قلت اسمه ايه
ماهو برضه ماغلطناش
قالت : خلاص فضنا
يا تقوم تغور من هنا
أنا بنتى زى القمر
لسه عريسها ماجاش
عايزاه يكون مقتدر
ويكون كبير يا بلاش
أنا ناقصة هم الشباب
والنفخة ع الفاضى
فاكرنى مكتب شئون
هاديكو بنتى بلاش
قوم فز غور من هنا
قوم فضها سيرة
والباب وراك تقفله
واتهوى فى السيرة
واوعاك تعتب هنا
لو ليك كرامة صحيح
أصل اللى زيك كده
الدم عنده شحيح
وان كنت بالشكل ده
يوم خارجتى ماتجيش



خرج يقول : يامسلمين
يا ولاة أمور المسلمين اللوم لمين
للمسئولين ولا الحرس
يا مثقفين دقوا الجرس
ماله الجرس صابه الخرس
اوعاك تقول ان الودان
صابها الصمم
اوعاك تقول الناس كمان
زى الغنم
مابيفهموش
وبلاش تكونوا بجهلكم
أو حتى فى ناس منكم
بينفذوا تخطيط لبوش
فتش ... وشوف الجرح فين
وضح ... وقول للمسئولين
وبلاش من النوم فى العسل
وبلاش كسل
وياريت تكونوا القدوة
وتكونوا المثل
وبلاش تعرض سمعتك للقيل وقال
وبلاش طريق الهلس والبطال
بكرة التاريخ هايغربلك
ويغربل الأعمال
فى ناس تعيش
وناس تموت ولا تتنسيش
وناس تموت تحت النعال
وفى كتب زى الدهب
وفى كتب من غير تمن
يرموها للزبال
يا مثقفين فين جهدكم
والمشكلة قدام عنيكم كلكم
قدامكو فرصة عمركم
راقبوا البرامج كلها
واتفكروا واستفسروا القصد ايه من بثها
ومين ومين م المسئولين صرح بها
وفين شيوخ المسلمين
عشان توقف عرضها
واللوم لمين
ياكبار شيوخ المسلمين
قولوا بصراحة ع الملأ
لو واحدة تعرض لحمها
ولا تختشيش على دمها
ولا تستحيش من ربها
مهرة ومن غير لجام
يا كبار شيوخ المسلمين
عايزين امام
يصرخ يقول لوزارة الاعلام
حرام
وبجرأة يعلن كلمته
علشان يبرأ ذمته
يعمل حساب يوم زفته
يعمل حساب يوم الزحام
قدامكو عام
والزحف جاى م العولمة والأمريكان
وخلاص بدأ شد الحزام
يا أيها الحكام
ماتغيبوش وعى الشعوب
بالشرطة والاعلام
الكيل طفح
وادى الشعوب بتقولكم
قدامكو فرصة عمركم
قدامكو عام
يا تقولوا ع الدينا السلام




لتحميل الملف الصوتى والفيديو


اضغط هنـــــــــــــا

البت باتعة


حلقة من العاشرة مساء مع الشاعر الشيخ أمين الديب


الثلاثاء، 26 أغسطس 2008

زوجات الأمس واليوم وغدا

تغير حال الأزواج والزوجات عن الماضى وأعتقد فى المستقبل سيصير التغيير أكبر ، فلنشاهد الصور ونقارن

زوجات الأمس



زوجات اليوم


زوجات الغد

دعاء ختم القمم العربية


اللهم ثبتنا على كراسينا

وبارك لنا فيها

واجعلها الوارث منا

واجعل ثأرنا على شعبنا

وانصرنا على من عارضنا

ولا تجعل مصيبتنا في حُكمنا

ولا تجعل راحة الشعب أكبر همنا

ولا مبلغ عِلمنا

ولا الانقلاب العسكري مصيرنا

واجعل القصر هو دارنا ومستقرنا

اللهم إنا نسألك فترة ممتدة

وهجمة مُرتدة

والصبر على المعارضة

والنصر على الشعب

ونسألك الحُسن لكن لا نسألك الخاتمة أبداً

اللهم ارزقنا معونة لا نسرق بعدها أبدا

اللهم لا تفتح أبواب خزائننا لغيرنا

اللهم أعطنا كلمة السر لحسابات

الحكام السابقين لنا في بنوك سويسرا

اللهم وفق أمريكا لما فيه خيرنا

اللهم اغفر لـ (جورج بوش) فإنه لا يعلم أننا لا نعلم

اللهم وفقه لما فيه 99% من أصوات الناخبين

اللهم نجهِ من أي إعصار أو كارثة طبيعية لأننا سنلوص مع شعوبنا من غيره

اللهم عليك بشعبي، أما أعدائي فأنا سأتفاوض معهم

اللهم ارزقنا حب أمريكا

وحب من يُحب أمريكا

وحب ما يُقربنا إلى حب أمريكا

اللهم أني أبرأ إليك من الاستعانة في حكم شعبي بأحد

ولا حتى بصديق، ولا برأي الجمهور

اللهم أني أعوذ بك من كرسي يُخلع

ومن شعب لا يُقمع

ومن صحيفة لا تمنع

ومن خطاب لا يُسمع

ومن مواطن لا يُخدع

وأعوذ بك من أن أجلس على الكرسي ثم أقوم أو أ ُقام عنه

اللهم ثبتني على الكرسي تثبيتا

و شتت المعارضة تشتيتا

ولا تبق منهم شيطاناً ولا عفريتا

اللهم آآآآآآآآمييييييييين

الجمعة، 22 أغسطس 2008

اجابات عبقرية


ماذا تعرف عن أشهر القادة العسكريين في الحرب العالمية الأولى؟
ـ كلـــهم ماتوا

إذا أعطاك احد برتقــالة فماذا تقــول له؟
ـ أقول له قشرها

ماذا فعل الرومانيون بعد عبورهم البحـــر المتوســـط؟
ـ جففــوا ملابســــهم

أيهما أبعد استراليـا أم القمـر ولمــاذا؟
استراليــا لأننا نشــوف القمــر بس ما نشــوف استراليــــا


' علي بابا ' هل هــو مذكــر او مـــؤنث؟
ـ مذكــــــر طبعا لأنه لو كان مـــؤنث قلنــا ' علي ماما

عـــــرف كــلا مـن : الفيـزياء ... الكيميــــاء؟
ـ الفيزيا ء : مركـــز الثقـــل في الـــرسوب
أما الكيمياء : فهـي درس عديــم اللـــون والطعـــم والرائحة قلـيل الذوبـان فـي الدمــاغ

خـمسـة بنطلونات + خـمسـة قمصــان + أربعة أحذية _ أكــرمك الله _ فما النتيجة؟
ـ خـمسـة رجـال فيهم واحـد حـافي

اذكـــر ثلاثــــة أنواع من السمـــك؟
ـ سمك مقلي , سمك مشوي , سمك مملح

أعط مثـالا للأشيـــــاء التي لا تــذوب في المـــاء؟
السمـــك-

ادخــل كلمـــة ' دام ' في جملـة مفيـدة؟
ـ ذهبت 'المــدام ' إلى الســـوق

مــاذا تعـرف عن الــبحـر الـــميت؟
كـان مريـض قبـل لا يمــوت-

سرق لصــــان عشـــرين ريالاً فمــا نصـيب كــل واحـد منهما؟
ـ تقطـع أيديهما


حــول عبارة ' تذهـب أمي الى الســوق ' الى صيغة المــاضي
ـ ' تذهـب جـدتي إلى الســوق

الثلاثاء، 19 أغسطس 2008

كاريكاتير رمضانى لمصطفى حسين



فانوس رمضان



كل سنة وانتم طيبين ، رمضان على الأبواب ، تمر الأيام والسنون ويظل لرمضان فى مصر طعم خاص لا يتذوقه الا من اغترب عن مصر ، الفانوس ، المدفع ، موائد الرحمن ، تجمع الأسرة حول مائدة الافطار ، هذا فضلا عن الجو الروحى الجميل الذى تشعر به فى كل مكان والابتسامات التى تملأ الوجوه رغم ضيق الحال وظروف المعيشة الصعبة . ولفانوس رمضان مكانة خاصة لدى المصريين ، ويقال أن أصل فانوس رمضان هو قصة رويت عن أحد الخلفاء الفاطميين الذى كان يخرج ليلة الرؤية لاستطلاع هلال الشهر الكريم وكان الأطفال يضيئون له الطريق بالفوانيس . أيا كان أصل الفانوس وأيا كانت صحة الرواية فان للفانوس فى مصر مذاق خاص .

والفانوس الذى نقصده هو الفانوس القديم الذى كان يضاء بالشموع والذى عاصرناه جميعا عندما كنا أطفالا ، ومازال يصنع يدويا فى بعض الورش الحرفية ومازالت سوقه رائجة خصوصا الأحجام الكبيرة منه . أما الفوانيس الحديثة فلقد تطورت تطورا قبيحا وأصبحت على هيئة ألعاب ، مرة فى صورة ميكى ومرة فى صورة بطوط وأحيانا بكار ، والبعض على هيئة حيوانات ، هذا غير أنها أصبحت متحركة وتصدر أصواتا لأغانى شهيرة ، بعضها ينشد وحوى يا وحوى وبعضها حالو يا حالو ، ولكن المستفز أنه فى وقت من الأوقات ظهرت فوانيس تغنى أغانى لا علاقة لها برمضان ، وطبعا البركة فى الصينييين .


السبت، 16 أغسطس 2008

كيف تكسب قلب من حولك




هناك عده طرق لكسب قلوب الناس ومنها:

1- ابتسم في وجوه الآخرين .

2- ابدأهم بالسلام .

3- أظهر الحفاوة والترحيب بهم .

4- ادع لهم ولوالديهم عند الفراق .

5- احترم الكبير .

6- ارحم الصغير ، وقبل رأسه .

7- اقبل الانتقادات بروح طيبة .

8- لاترفع صوتك في الحديث والمناقشات .

9- اعترف بالخطأ في حال وقوعه .

10- اعترف بالفضل لأهل الفضل .

11- تغاض عن هفوات الإخوان وزلاتهم .

12- انصح المقصر بلباقة ولين وتلطف .

13- تصدق على الفقراء والمساكين .

14- اعف عن من ظلمك .

15- أكرم صديقك وجارك .

16- صل رحمك .

17 - أعط كل ذي حق حقه .

18 - أغث الملهوف .

19 - أعن المكروب .

20 - قم على حوائج الناس .

النتيجة :

سوف تكسب قلوب الناس , وتسبي ألبابهم ، وتستميلها نحوك ..